Akipongeza chuo kwa usafi

Na Gilbert Massawe, Arusha

AFISA wa Afya katika kata ya Sombetini jijini Arusha, Beatha Gtaguo, amekipongeza chuo Cha  Uandishi  wa habari na Utangazaji Arusha, kufuatia  kujitolea kufanya Usafi katika soko la mbauda  kama mchango wao kwa jamii.

Akizungumza  na website ya chuo Beatha Gitaguo alisema kuwa wamefurahishwa na jambo hilo  kwani ni ushirikiano mzuri kati ya chuo na jamii inayowazunguka na kufanya hivyo ni kuwaelimisha  wananchi wengine kujitolea katika kazi za jamii.

 

Mwalimu wa chuo cha uandishi wa habari na Utangazaji Arusha, Verediana Akonay (kulia), na mwanafunzi wa chuo hicho Happiness Sarakikya, wakipeleka mfuko wa takataka katika soko la Mbauda jijini, Arusha jana. Picha na Gilbert Massawe

Hata hivyo, Wanafunzi wa Chuo cha Uandishi wa  habari wamejitolea  kufanya usafi katika soko hilo kama mojawapo ya shughuli za kijamii ili kuonyesha mfano mzuri kwa jamii inayowazunguka.

 “Tumeshukuru kwa ujio wenu na kutuunga mkono katika swala la usafi na wanajamii wamejiuliza maswali kutokana na kile mlichokifanya eneo hili,” alisema   Beatha 

Alisema mojawapo mwa changamoto inayoikabili soko hilo ni Uhaba wa wafanyakazi wa kufagia, ambapo wapo wafanyakazi watatu wanaosafisha eneo hilo na miundo mbinu ya soko hilo haijakaa sawa hivyo huwapa wafagiaji tabu wakati wa ufagiaji.